Video
Read full review
2022-09-25
69 views
【火土燒肉 尖沙咀露營風日式燒肉店⛺️】呢2年露營風盛行，一到秋冬就有好多朋友仔plan去camping/glamping🤣 但係香港嘅天氣應該到10月仲係30度🔥熱辣辣，今次呢間山系燒肉店就幫到你喺室內感受露營氣氛😽火土燒肉係ATUM Group嘅新餐廳，ATUM嘅餐廳一向都好有特色，內外兼備，食物高質同時又係打卡熱點📸 呢間燒肉店以glamping為主題，無論係座位、餐具、環境佈置都用上露營用具，老細勁開心仲興奮過我😂我哋係星期六lunch time去，大家記得book定位，餐廳而家做緊早鳥優惠，7pm前買單有85折，lunch去會抵食啲😉~~~~▫️燒肉拼盤 ($378) ⭐️8/10燒肉拼盤有齊豬牛雞，包括牛肋肉、牛舌、牛胸腹、豚肉燒、豚五花、雞腿肉😍 每款肉大概有4片，3-4人 share都可以😙 牛肋肉、牛胸腹同五花肉都好肥美，油脂豐富🤤 我個人最中意牛舌，連埋上面嘅蔥花一齊燒，惹味之餘又有咬口，好正👍🏻.▫️內臟拼盤 ($188) ⭐️8/10內臟係燒肉必備，為食妹平時去牛角一定要叫雞肝🤣 呢個內臟拼盤有雞心、雞腎、雞肝🐥 第一次食雞心，有驚喜喎，肉質爽彈有嚼勁；雞肝超入味，燒耐咗
呢2年露營風盛行，一到秋冬就有好多朋友仔plan去camping/glamping🤣 但係香港嘅天氣應該到10月仲係30度🔥熱辣辣，今次呢間山系燒肉店就幫到你喺室內感受露營氣氛😽
火土燒肉係ATUM Group嘅新餐廳，ATUM嘅餐廳一向都好有特色，內外兼備，食物高質同時又係打卡熱點📸 呢間燒肉店以glamping為主題，無論係座位、餐具、環境佈置都用上露營用具，老細勁開心仲興奮過我😂
我哋係星期六lunch time去，大家記得book定位，餐廳而家做緊早鳥優惠，7pm前買單有85折，lunch去會抵食啲😉
~~~~
▫️燒肉拼盤 ($378) ⭐️8/10
燒肉拼盤有齊豬牛雞，包括牛肋肉、牛舌、牛胸腹、豚肉燒、豚五花、雞腿肉😍 每款肉大概有4片，3-4人 share都可以😙 牛肋肉、牛胸腹同五花肉都好肥美，油脂豐富🤤 我個人最中意牛舌，連埋上面嘅蔥花一齊燒，惹味之餘又有咬口，好正👍🏻
.
▫️內臟拼盤 ($188) ⭐️8/10
內臟係燒肉必備，為食妹平時去牛角一定要叫雞肝🤣 呢個內臟拼盤有雞心、雞腎、雞肝🐥 第一次食雞心，有驚喜喎，肉質爽彈有嚼勁；雞肝超入味，燒耐咗都仍然係keep到咁綿軟🤤👍🏻
.
▫️牛里脊肉 ($98) ⭐️8.5/10
拼盤以外散叫嘅肉類有醃製醬汁選擇，呢碟牛里脊肉我哋揀咗蘋果味噌🍎 牛里脊肉係beef tenderloin 部位，口感軟腍細嫩，脂肪比例較低，冇咁油膩，但係燒熟啲都唔韌😋
.
▫️ 玉子海苔飯 ($28) ⭐️7.5/10
▫️ 黑醋冰蕃茄沙律($28) ⭐️7.5/10
▫️ 牛油燒廣島蠔($78) ⭐️8/10
▫️ 菠蘿($38) ⭐️8/10
除咗肉類，餐廳都提供好多沙律/前菜、海鮮、野菜選擇😉 燒蠔同燒菠蘿就當然無得輸，每次燒肉/BBQ食到好飽都要食燒菠蘿消滯🤣 玉子海苔飯係一人份量，好中意燒肉送飯嘅朋友最少要自己食一碗🍚
.
▫️月見醬燒飯糰 ($38) ⭐️8/10
呢個飯糰🍙打卡靚仔之外，味道都不錯😋 飯糰好入味，外層烤脆成飯焦，再撈埋月見蛋汁增加濕潤，簡單又好味😚
.
好有特色嘅燒肉體驗，一家大細👨👩👧👦想帶小朋友預習露營不妨一試🤣 飯食物質素整體都不錯，我哋2個人lunch就大概$400/pp，多啲人share應該會更抵🤤
.
💟回頭指數：7.5/10
Post
