鉄人大盛 (Closed)

想起好耐無食鐵板燒，於是今晚約咗朋友來尖沙咀食全港第一間的鐵板燒放題店。餐廳位置方便易搵，在尖沙咀地鐵站附近，格蘭中心落一層地庫就到。夜晚放題價錢相宜，每位$328.一坐低就會每檯都送上一碟用冰盛上的虎蝦，大隻厚肉，鮮甜美味。飲品櫃的飲品任飲，有多款汽水同啤酒。最驚喜是有任食的哈根大師雪糕，味道選擇多。鐵板燒檯位於餐廳最入面，所有食物都由師傅親自在鐵板燒爐即製。燒帆立貝，厚身多肉，味道鮮甜多汁，咬落啖啖肉。燒鰻魚，燒汁濃味香甜，滲入魚肉當中，肉質好軟稔美味，入口即溶。燒牛柳粒同蔥燒牛肉卷，牛肉味濃郁，油脂香味鮮甜，咬落煙韌彈牙。炸芝士年糕，芝士味香濃，外脆內軟。芝麻雞翼，香脆入味，肉質鮮甜多汁。燒鵝肝，大塊厚身，油脂香味濃郁，入口軟稔美味。左口魚壽司，肉質呈白色，新鮮鮮甜，彈牙爽口。