我幾鐘意佢天花D 燈，細心睇，發現應該係自己整個燈罩，貼滿不同貼紙
入黎地方細細但好在今日唔算多人，佢用佐高枱高椅設計店面，而我就幾鐘意佢天花D 燈，細心睇，發現應該係自己整個燈罩，貼滿不同貼紙
餐牌同人地講既一樣，超多野食，簡單至燒茄子，燒韮菜，勁既燒意大利磨菇，蟶子皇，基本上諗得到既都有
我地就大把時間一樣一樣試
先黎點佐個燒新鮮白鮮，都幾大串，但有小小貴，要64蚊，但食落又真係物有所值，落足漿料，咬落去外層有小小脆，一咬入去就好膠好淋﹗入曬味，正
再黎就叫佐個雞心同埋魚肚，雞心就34蚊，魚肚就貴小小要45蚊，但幾特別，因為個魚肚真係好大舊，好淋好入味又無沙
而雞心就比平時食既雞心大，幾有咬口，唔會太乾身，都燒得幾靚
黑松露鵝肝多士，其實我自己唔太鐘意黑松露，但又好鐘意食鵝肝，爭扎佐一陣都叫佐，黎到鵝肝好大塊，滿油，好在黑松露唔算太濃味(唔知算好定唔好
)所以我覺得幾正
呢個係燒馬來西亞大蜆，79個大洋，8 隻，唔算好平，但食落真係幾鮮幾清甜，同埋洗得好乾淨，一D 沙都無
呢個係全晚唯一點既菜，海鹽燒法國蘆荀，30蚊，價錢一般啦，但原來用海鹽去燒而無落其他漿係真係幾好食，同埋大大支好有口感，仲一D 都唔乾
呢個西利啊，燒紐西蘭羊架76蚊有兩大舊，真心好食，出曬油，好香，不過呢個真心飽肚，如果真係想食多D其他野可以唔點呢個，但當然真係鐘意羊架呢個必食啊﹗我覺得係最抵食最正既
最後我地點佐個炙燒野生海虎蝦 ，真係無呃人，真係特大，因為個盤都爭D 放唔落啊
蝦肉好鮮好彈，蝦頭都食埋，都有幾多蝦膏
整體黎講環境幾舒服，食品種類好多好齊，同埋上菜都好快，而且燒野技巧都好多，無咩OVER COOK ，同埋用料都好好，但價錢就唔算特別平啦。不過一分錢一分貨，香港地淨係搵間坐得舒服既串燒店已經唔易了，仲要有咁多野揀，所以都算唔錯
