稻埕飯店 (K11購物藝術館) (Closed)

尖沙咀k11這間中菜館， 地理位置十分方便。 地鐵站出口上去只需要十分鐘。 餐廳座位闊落，而且 十分舒適。 餐廳服務真係好周到，坐低冇幾耐就拎咗一個紫外光消毒機畀我哋消毒手機， 餐廳經理介紹只需要三分鐘就可以消毒完手機。成間餐廳都好高科技餐牌係用電子ipad， 睇完menu話決定要佢嘅滿滿膠原豬手， 同白鹵水鵝掌翼。 不得不讚佢嘅豬手配埋佢嘅汁，味道真係一流，而且豬手好大件，真係名不虛傳，係滿滿膠原感覺好養顏。至於佢嘅白鹵水鵝掌都好好味，滷得洽到好處， 唔會太鹹又唔會太淡。另外我哋亦都叫咗佢嘅甜品台式芋蓉紅豆湯，佢嘅芋蓉超好食， 好香芋頭味 ，而且紅豆湯裏面仲有一粒粒芋圓同珍珠， 十分有口感。飲品方面，我哋叫咗桂圓杞子紅棗米水同手沖 401次咖啡。 兩個味道都好唔錯，紅棗米水好養生，至於401咖啡好特別下面係奶上面係咖啡泡沫。