啱啱開番晩市，星期五既晚上，餐廳座無虛席。餐廳嘅裝修走型格路線，有個open kitchen，我哋揀咗吧枱坐，睇住大廚煮嘢食。
先黎兩杯特色飲品，熱帶雨林同埋熱情果有子伯爵茶梳打，好清新，果味濃郁👍🏻
前菜嗌左好多人推介既帶子蟹肉牛油果他他配薑油黑醋汁，擺盤好靚，食落非常有驚喜!! 淡淡蟹肉mix牛油果加上脆卜卜嘅多士，配埋黑醋汁，味道好夾，非常開胃。
板燒頂級肉眼配阿根廷青醬伴烤菊芋蓉，好新穎嘅配搭。牛扒七成熟，粉嫩多肉汁，煎得剛剛好。配菜很不錯，蘆筍夠爽嫩，菊芋蓉亦好特別，好豐富嘅一道主菜。
香蒜橄欖油海虎蝦扁意粉，大蝦彈牙爽口，意粉好重蒜味，食到停唔到口!!
成餐飯好有水準，睇得出廚師嘅用心製作，有機會一定再嚟😋😋
