Video
Read full review
2024-10-29
229 views
細佬同我講話好想食燒肉，搵咗陣OpenRice就搵咗呢一間。如果唔係第二日要返工，我應該會宵夜九點半之後再嚟食，會有五九折。午市十二點到四點都有，不過真係難啲夾到時間。地點好方便，眼見好多人都喺到聚會，氣氛都幾好。‣ 上・九宮格 $388每一格睇得出都係精心準備，有啲係壺漬、有啲係韓式，所以食落唔會好膩。擺盤都好有心機，中間嗰格擺到好似玫瑰花咁樣，打卡幾靚。牛肉肉質相當香同嫩滑，幾秒就食得。‣ 和牛壽喜燒 $98會有專人喺你隔離燒俾你睇，然後將肉片浸落去特製嘅壽喜燒醬汁到。燒嘅時候已經聞到好香，畢竟醬汁都比較濃味，所以餐廳特別配咗少少飯，等你唔會覺得太鹹。食落去嘅時候真係心心眼，好鍾意佢嘅醬汁。‣ 火炙和牛拌冷麵 $68冷麵相當爽滑彈牙，勁鍾意佢嘅口感。而火炙和牛微暖嘅溫度同冷麵就成為咗個對比，都幾得意。而冷麵醬汁比較清爽啲，可以中和到不斷食肉嘅油膩感，夏天的話一定會想食多幾碗。‣ 炸入味雞軟骨 $58炸得相當酥脆，調味適中，加埋佢最好嘅拍檔蛋黃醬真係冇得輸。啲雞軟骨都大大粒，食落去都幾爽，而且份量都唔細，仲有啲肉咬下。‣ 蔥香月見飯 $28個蛋黃真係香到不得了，有少少微辣，但係我覺得
‣ 上・九宮格 $388
每一格睇得出都係精心準備，有啲係壺漬、有啲係韓式，所以食落唔會好膩。擺盤都好有心機，中間嗰格擺到好似玫瑰花咁樣，打卡幾靚。牛肉肉質相當香同嫩滑，幾秒就食得。
‣ 和牛壽喜燒 $98
會有專人喺你隔離燒俾你睇，然後將肉片浸落去特製嘅壽喜燒醬汁到。燒嘅時候已經聞到好香，畢竟醬汁都比較濃味，所以餐廳特別配咗少少飯，等你唔會覺得太鹹。食落去嘅時候真係心心眼，好鍾意佢嘅醬汁。
‣ 火炙和牛拌冷麵 $68
冷麵相當爽滑彈牙，勁鍾意佢嘅口感。而火炙和牛微暖嘅溫度同冷麵就成為咗個對比，都幾得意。而冷麵醬汁比較清爽啲，可以中和到不斷食肉嘅油膩感，夏天的話一定會想食多幾碗。
‣ 炸入味雞軟骨 $58
炸得相當酥脆，調味適中，加埋佢最好嘅拍檔蛋黃醬真係冇得輸。啲雞軟骨都大大粒，食落去都幾爽，而且份量都唔細，仲有啲肉咬下。
‣ 蔥香月見飯 $28
個蛋黃真係香到不得了，有少少微辣，但係我覺得好過癮。話明蔥香就真係成碗都係蔥，如果你係好鍾意食蔥嘅話唔可以錯過。
‣ 巨峰可爾必思梳打 $32
飲落去唔會好甜，都係酸酸甜甜，而且加埋梳打佢嘅刺激感，都係好啱解膩用，整體都係比較清新舒爽。
‣ 驚安水果茶 $38
見到佢推薦水果茶，就諗住試一試。飲落去感受得最濃郁嘅一定係百香果，而底部都好多百香果粒，幫手提升茶嘅香味。因為本身都係偏酸甜類，一樣食肉嘅時候解膩用，好快就飲晒。
Post
