之前去泰國旅行有食過呢間，質素都唔錯，一坐低已經有份餐前小食蝦片，我地就邊睇餐牌邊食😆
黃薑雞肉沙嗲串燒
一碟有6串，串燒燒得夠香，食落帶有甜味，雞肉唔鞋又唔會乾爭爭。
泰式炒金邊粉
隨碟有齊辣椒粉、花生碎、白砂糖、青檸，撈埋一齊食，味道層次更加豐富。金邊粉濕潤度適中，配料有大蝦芽菜豆乾，如果唔食辣嘅都可以係落單時揀走辣同少辣。
煙燻和牛封門柳 配泰式酸子汁
呢度嘅燒牛肉用咗和牛封門柳，食落軟嫩又有牛味，就算係厚切都唔會覺得韌，而且牛肉嘅數量都幾多，再配埋個泰式酸子汁，酸酸甜甜，食落開胃之餘又解膩。
餐廳環境比想像中大，枱同枱之間唔會好逼，坐得比較舒服, 如果坐窗邊位可以望到海景，餐廳入面有千秋可以同朋友打卡影相📸
