慈素小聚

Open Now

Now Closed

媽咪話想食素菜, 朋友推介位於尖沙咀麼地道的這間樓上素菜餐廳, 我地就預先訂左位先, 一出地鐵站行3分鐘已經到達, 好方便! 呢到環境好舒服, 好似一間cafe, 玻璃窗邊仲有好多垂直小燈泡作裝飾, 感覺很溫暖~估唔到餐牌都有好多不同的素食款式選擇，中西式，日式和越式都有, 滿足到不同口味既食客~*椰汁雪耳無花果燉湯（$48）很香椰子無花果味, 雪耳食落很滑, 湯清甜😋, 飲完覺得好滋潤養顏, 推介呢款燉湯！*京都片皮鴨（$128）呢款素食片皮鴨係由麵筋製造而成的，配送埋黃椒、紅椒和青瓜🥒, 再點埋醬汁一齊食, 味道和真的片皮鴨都幾似，口感細嫩, 有驚喜!*香煎腐皮卷（$58）煎得香而不油膩，唔錯~*忌廉蘑菇濃湯佐菠菜苗（$98）菠菜苗很幼嫩, 媽咪飲埋香滑蘑菇濃湯, 讚好飲~*台式滷肉飯（$98）素食滷肉飯真係好似傳統滷肉飯，食唔出有咩分別, 撈埋香甜軟糯既白飯一啖食落口，好有層次。*紐約芝士蛋糕（$58）叫左媽咪至愛的芝士蛋糕做甜品, 係呢到新推出的自家制甜品, 口感滑而不膩, 點埋紅莓醬, 好味, 媽咪很喜歡~