Amitie Kitchen

尖沙咀其實有好多隱蔽餐廳，好多間好嘢都要上樓，如果唔係有人介紹都唔知有咁多間餐廳。今次呢間Amitie Kitchen就係朋友之前食過，經佢介紹之下就一齊嚟試試。

1

忌廉蘑菇湯

跟午市套餐有碗是日例湯，今次係忌廉蘑菇湯，個湯非常creamy，但係又唔會好肥膩，蘑菇味亦都好濃郁。

黑松露炸薯條

$58

因為肚餓，嗌咗三款前菜，分別係「黑松露炸薯條」、「法式香草牛油焗田螺」同埋「炎焰加海膽焗松蟹膏大啡菇」。薯條比想像中大好多，熱辣辣點埋隻醬好正。

法式香草牛油焗田螺

$118

炎焰加海膽焗松蟹膏大啡菇

$88

田螺相對比較失色，如果香草味可以濃郁啲會更加好味。大啡菇雖然賣相麻麻地，但係材料好豐富，個海膽好鮮甜，整體口感幾好。

蒜片辣椒大蝦意大利麵配巴馬火腿

$98

牛肝菌意大利飯

$98

主菜有兩款，「蒜片辣椒大蝦意大利麵配巴馬火腿」同「牛肝菌意大利飯」，意粉蒜味好香，辣辣地好幾開胃，一共有四隻蝦每隻都彈牙，意大利飯味道好濃郁，撈埋上面啲芝士簡直一流。

整體而言餐廳食物水準幾好，而且環境幾適合一班朋友一齊，唯一扣分係等食物嘅時間比較長，除此之外都幾好。