神山麺屋 (新聲大廈) (Closed)

💛神山豚角沾汁麵本店必試招牌，豚角火候控制得啱啱好，表面係脆脆地，但入邊唔會好韌。沾汁都好香濃，加上麵體係店面獨家有凹凸坑紋，好掛湯，好食。💛黑神山叉燒拉麵呢一款係黑蒜油湯底嘅拉麵，好適合啲鍾意重口味嘅人去食，湯底好香濃，好香蒜味。但食到最後都唔會好口乾，而叉燒都幾好食，肉質一咬即開。💛吉列廣島蠔炸衣炸得好好，超級鬆化，亦都唔會太厚，所以依然食得出𧐢嘅味道。💛神山手造餃子餃子煎得好香，表皮脆卜卜，但亦都唔會太硬。💛蒜香魷魚鬚魷魚鬚配埋啲汁食好好食，都係幾適合重口味人士去食，係好香濃嘅味道。💛和風蘋果沙律食咁多肉，係時候要食返啲清新嘅嘢，蘋果好清甜，食完之後覺得個胃清空晒負擔。💛神山炸雞本店啲炸嘢真係好出色，因為呢個炸雞皮同樣都好薄，配埋酸酸甜甜嘅汁食，好好食。💛蘋果培茶 蜜桃培茶茶味好香濃，亦都有少少好香甜嘅果味。