呢間健康餐廳主打低卡高蛋白，每份餐大約300卡！店員話如果一星期keep住食，平均減2至5磅都唔奇～
蛋白杯：
有足足13款口味（生果、朱古力、綠茶等），仲有奇亞籽同寒天，食落微甜清新，冇蛋白粉嗰種怪味，啱晒做gym或者減脂嘅人！
🍗慢煮雞胸蕎麥麵：
肉食／素食嚟講都好多選擇～素雞粒、素叉燒、素牛/魚扒；肉類有鴨胸、牛𦟌、大蝦同雞胸，飯底可以揀紅米飯／蕎麥麵／蒟蒻飯。
雞胸超嫩唔柴，配菜（南瓜/蕃茄仔/西蘭花）都夠fresh，用黑椒簡單調味，好健康又夠飽肚！
🥤飲品：
有紅棗桂圓茶（熱）／蘆薈排毒茶（凍），幫手排毒消脂，夏天飲隻蘆薈茶都幾爽！
店員超細心，會主動教你先食蛋白杯吸收蛋白質。唔想太heavy，想減脂、清淡啲認真推薦！
