店內嘅環境舒適，座位寬敞，仲有好靚嘅卡位位置，可以坐低傾偈慢慢嘆。
✨大阪燒海鮮蛋餅
第一次見到大阪燒海鮮蛋餅，一上菜就聞到香噴噴啦🤤 蛋餅材料豐富，有章魚粒、椰菜、木魚同紫菜絲，加埋燒汁同煙煙韌韌嘅蛋餅，口感Q彈有嚼勁！
✨三杯片皮鴨胸刈包
三杯片皮鴨胸刈包嘅味道好似片皮鴨咁，用熱辣辣嘅刈包包住，香軟美味，值得推薦。
✨鐵觀音法式燉蛋
法式燉蛋遇上鐵觀音，散發著香濃嘅茶味，燉蛋質地綿滑細膩，加埋表層嘅焦糖，兩者完美搭配 😍
✨蜂蜜苦瓜汁
平時去台灣都會飲返杯苦瓜汁，今日呢杯蜂蜜苦瓜汁入口依然清甜，仲有微微甘香。
✨宇治抹茶牛乳
濃郁嘅抹茶味同牛奶混合，帶有抹茶的甘香，口感順滑，味道香濃。
