呢間店喺尖沙咀鬧市中，環境舒服，素食款式多又有新意，味道同口感都好用心😆試咗幾款菜式，幾有驚喜😍
珍貴苜蓿芽手卷
三文魚用蒟蒻去做，超特別！牛油果creamy🥑，芽菜夠晒新鮮爽脆，咬落口感好清新😍
秘製茄汁三重奏芝士天使麵
茄汁夠濃，芝士拉絲，天使麵超掛汁！仲有蘑菇增添口感，好惹味😋
素食燒賣都做得幾出色，外皮煙韌，內餡口感豐富，鹹淡適中😍
甜梅菜肉餅飯 我覺得仲好食過真肉餅🤣❤️
梅菜鹹香，肉餅（素食版）鬆軟，撈飯食好入味🤤💕
自家製蘿蔔糕
有三種配搭，黑松露香氣突出，蘿蔔糕外脆內軟，好多蘿蔔，唔會好多粉！好食😋
粟米濃湯浸翡翠苗
粟米湯底濃稠，食得出真材實料！翡翠苗嫩綠鮮爽🔥
石磨芝麻糊 甜度適中，好濃稠，芝麻控要試🖤
香芋椰汁西米露 味道甜咗啲，芝麻糊較出色💜
無論係想試新派素食定係鍾意傳統口味，都值得過嚟試試💓
1
