逸 壽司 (Closed)

今日係自從今次疫情第五波開始後，我第一次出街食壽司！絕對值得紀念！真係好懷念壽司同刺身呀！朋友推介我黎逸壽司😁，試咗個全日自選壽司既12件set ($198)，有個沙律、味噌湯；follow Instagram 仲送左個芥末八爪魚既小食。個芥末八爪魚好好食！芥末味剛剛好，仲伴有唔少青瓜絲同芝麻，送既小食都咁有誠意同水準！12件壽司我選左吞拿魚腩、吞拿魚、真鯛、深海池魚、池魚、油甘魚、赤蝦、魴鮄、火炙金線鯛、芥末八爪魚軍艦、蔥吞拿魚腩軍艦。我覺得咁多款中以吞拿魚腩最好食，亦都係唯一一款只限選一件；仲有赤蝦同芥末八爪魚軍艦都係我嘅心水推介，赤蝦夠大隻同爽！店舖空間非常闊落，座位只有15個，係呢個時候坐得安心舒服好重要呀，唔錯。