爸B燒

Open Now

Now Closed

辛苦完一日約朋友食串燒飲吓嘢傾吓偈真係幾寫意，今日嚟到喺尖沙咀嘅爸B燒鹽燒黃立倉 - 原條上，皮脆肉嫩，完全唔柴，魚肉厚實一絲絲又入味，誠意之作炭燒豬頸肉 - 小店招牌，炭香突出，爽口彈牙，份量十足各款串燒都好出色，燒豆卜脆卜卜甜甜地，口感又好又開胃，牛舌一絲絲，腩肉軟腍，入晒味，好特別嘅係有燒田雞，喺其他地方未見過燒芥蘭、七味燒飯團同香茅燒雞全翼都做得好好，食材雖然簡單，但調味出色，火候控制一流我仲點咗燒菠蘿、照燒白鱔、燒茄子，菠蘿甜甜酸酸好開胃，白鱔厚實有咬口，茄子夠晒蒜蓉勁香濃椒鹽燒賣 - 外皮脆卜卜，夠晒椒鹽，味道濃郁冰底檸樂、鹹檸七 - 青檸汁同鹹檸勁足料，啖啖都飲到香濃青檸味同食到鹹檸肉，鹹檸仲要碎上，好貼心小店提供嘅選擇都幾多，類型同款式都好充足，定價親民，位置方便，食物出品有質素，食得出小店嘅誠意同心機，性價比好高