一去到門口都幾有泰國feel,轉到入去既時候就見到好大個海鮮燒烤位 , 海鮮款式都好多,而且好新鮮,因為我地5個中有3個係食肉獸,所以無叫到燒海鮮。
最後係點左店員推介既燒遙冬蔭功海中寶
呢個海中寶真係唔講得笑,個分量多到我地5個人係食唔晒,海中寶既海鮮超多超新鮮,我地點既係熱盆, 海中寶嚟到既時候店員拎住個熱辣辣既冬陰湯倒入去海中寶到,酸辣香濃,好好味呀!海鮮真係無得輸,全部都係珍寶size ,蟶子同大頭蝦仲長過我隻手掌,仲有蜆﹑青口……。
海南雞（半隻）
泰式海南雞係我最愛,皮帶爽,肉夠香滑,雞味濃!個汁係超正👍
點完餸之後店員拎住個靚靚骰盅過嚟叫我地玩,話有機會搖中圍骰免找數!
點知搖骰個friend 太黑仔咩都唔中😂,店員仲話唔緊要啦,下次嚟可以試我地『$99狂歡魚蝦蟹』，即係一連6個星期都可以以超抵價$99享用原價2xx-3xx嘅魚蝦蟹，齋聽都覺得勁抵。
成晚個感覺唔錯,環境係好舒服,食材好新鮮,店員都好nice!
