最打卡位係佢哋既獨特上菜方式：所有菜式會先放晒喺一張大枱上，然後直接推埋你枱邊，超有氣勢！一秒變身韓劇主角，朋友都忍唔住狂影相。
「婆婆餐桌四人餐」真係豐富到爆，小菜12款已經夠吸睛，泡菜酸辣夠勁，明太子鹹香好食，辣豆腐惹味，蔬菜蛋餅蛋香濃郁，食落清新又唔膩，每款都好有韓國菜特色；海鮮嫩豆腐火鍋湯底鮮甜，豆腐滑到似豆花，海鮮料份量十足；醬油三文魚係隱藏版驚喜，魚肉油潤，醬香滲透；燉豬肋骨肉質超腍，醬汁濃郁，啖啖肉超滿足；烤牛小腸油脂甘香但不膩，香脆惹味；韓式炒牛肉甜辣平衡，肉質軟嫩；海鮮韭菜煎餅外脆內嫩，韭菜香氣突出。
整體來說，餐廳味道有實力，打卡有風格，絕對係尖沙咀韓迷必去之選！
3
1
