間餐廳喺厚福街行到最入既大廈入面，叫大樹燒烤。
佢有個小烤爐喺台面，初時都擔心爐仔細細燒熟d食物咪有排燒，但係原來驚喜位係間餐廳已經幫你燒到香噴噴，然後放上爐面保持溫度。
而且佢餐牌上邊有好多特色食物，等我同大家介紹吓我哋叫咗啲乜嘢食啦😗
- 麻辣無骨鴨掌: 五星推薦，特色串燒，鵝掌比較少見，而且辣味過癮，好好食
- 霸王肥腸: 烤到脆卜卜，而且我同友人都非常鍾意食大腸，一致認可係美食
- 新疆羊肉串: 羊肉唔騷，配以孜然粉非常惹味
- 紐西蘭羊骨扒: 竟然有羊架食，通常西餐都將羊架price得好貴，但係呢度價錢非常合理，正
- 爆汁苕皮: 喺香港第一次食呢道串燒，苕皮以甜甜地既醬汁燒到卜卜脆，入邊就包咗唔同種類嘅配料，咬落多汁而且有多種口感，最特別嘅地方係，佢竟然有我手板咁大份！
- 蒜香豆腐皮: 有啲類似啱啱講嘅苕皮，不過口感上冇咁煙靭，而且中間冇餡料，不過用咗蒜香醬烤就非常香口。
- 爆漿芝士丸: 燒烤同打邊爐都必叫嘅食物，燒熟左嘅芝士餡食落會流心，實在太好食！
- 大大大茄子: 竟然係成條茄子，實在非常大份，烤茄子最開心就係一個絲絲咁撕落嚟食用，好食好食！
- 韓式芝士年糕: 好開心見到竟然有芝士年糕食，咬落去煙煙韌韌，又有啲芝士醬流心，真係大人小朋友都鍾意食呀！
- 滷烤雞架: 係以盤上嘅烤雞架，適合家庭裝散食，而滷過既雞肉份外入味，得意之選！
同友人食吓串燒啤一啤咁就吹左成晚水，great night and great place!
