皇后泰國廚房 (Closed)

喺尖沙咀行完街，呢間泰菜餐廳地點非常方便，最啱同成班朋友一齊黎醫肚。睇完餐牌，先選取呢客沙嗲串燒，雞肉同豬肉串燒各有兩串，配上惹味嘅沙嗲醬汁，雞肉串保留到雞肉嫩滑嘅口感，而豬肉選料新鮮，又帶豬肉嘅爽勁口感，係道唔錯嘅餐前小食。食泰國菜點可以唔食生菜包，呢個生菜包有豐富嘅豬肉碎、豬潤粒，以及各種香辣配料，上枱時非常香噴噴，入口仲非常有泰國風情、香辣味道濃郁，加上生菜包住黎食，感覺會輕盈一點。而呢客蝦蓉豬肉多士，平時係泰國餐廳比較少見，呢客多士上有蝦蓉同豬肉，兩者切碎、形成膠質嘅質感，口感豐盈，加上多士，絕對有飽肚感覺。最後仲有呢客鏡靚，亦即係海鮮雜菜煲。清晰嘅上湯，味道濃而不咸，仲有明火保持溫度，同朋友一齊品嚐解渴，絕對適合不過。而且湯料中仲有新鮮大蝦，魚塊，以及大量蔬菜，先至可以令到清湯入口咁鮮甜，而且材料豐富，同兩三個朋友一齊share都無問題。