星怡 (Closed)

其實我都鍾意去尖沙咀iSquare行街，貪佢嗰邊餐廳夠多，然後附近又有好多展覽可以睇，位於地鐵站上蓋步行約5分鐘，square 樓上原來開咗一間星加坡餐廳，坐落大堂旁邊的三樓位置，地點真的非常方便，而且餐廳環境都算闊落，有獨立卡位，夥計嘅態度非常友善，落單同送餐速度都好快，啱晒約埋朋友過嚟行完街食嘢休息吓坐吓。當日去到嘅時間係夜晚六點後人流都唔算好多，去到夥計帶我哋坐低，落單叫咗佢地推薦嘅大蝦叫咗一份新加坡大蝦喇沙，配料都算多半隻全熟雞蛋，仲有一啲豆卜同埋魚片豆卜，兩隻大蝦入面蝦頭重有蝦膏！充滿東南亞風味嘅椰香辣味，油麵份量好足，都幾大碗同好飽肚。咖央多士都好酥脆，食完都想再食多份！咖央甜甜地配埋牛油冇得輸，呢個又係必點。重叫咗一份鹹蛋黃金炸魚皮，鹹蛋黃味非常濃厚，除咗魚皮炸到好香脆，一片魚皮表面都沾滿了鹹蛋黃，令到口感非常均勻，食到完全停唔到口！呢個又係覺得要推介嘅菜式。燕麥大虎蝦，口感會比較甜，大蝦食落還可以，炸得夠香脆搭救，份量又係剛剛好，兩個人食都OK。