鳥炎屋 (Closed)

依間樓上日本餐廳坐得幾舒服，裝潢經典日系，木枱凳坐得舒服😌。侍應服務細心，會適時替我們執拾及加茶。蟹籽沙律沙律🥗夠凍幾好食😋。切成幼絲口感幾好。雞腎串及七味燒粟米🌽串燒幾惹味有咬勁。七味燒粟米去核，外面很少見，一粒粒口感過癮。木魚絲苦瓜玉子薄餅🍕遠睇係pizza但食落個「餅底」係蛋餅，又扮得幾似；個味調得幾香。配料苦瓜唔苦幾易入口有甘香餘韻。鐵板牛舌粒有驚喜！小食用鐵板上菜，炸炸聲熱烘烘，牛舌有很多汁好juicy，切到粒狀肉質好嫩滑。牛油果🥑軟殼蟹卷--軟殼蟹超脆身。