Video
Read full review
2023-07-08
31 views
尖沙咀好多高質韓國餐廳，今次嚟到The Hart試下依間型格韓式餐廳x酒吧🍹半半煎餅(泡菜、韭菜）$148韓式煎餅同辣炒年糕一樣，絕對係最地道嘅韓國小吃，泡菜煎餅、海鮮煎餅、韭菜煎餅，各式各樣!! 依個半半煎餅正可以滿足大家2個願望，一次過可以試曬泡菜、韭菜口味🤤 除咗有滿滿嘅海鮮超足料，仲十分香脆可口，粉漿做得好出色!! 粉紅醬炒年糕 $188由韓式辣醬加上忌廉同芝士調製而成嘅粉紅醬，辣度降低，啱曬怕辣嘅人。融合奶香味更顯得香味醇厚，口感十分creamy😍 本身以為炒年糕係平時食開一塊塊果款，點知依個年糕係條狀，好似加粗嘅烏冬，仲十分煙韌，每條都掛到汁，配上煙肉同腸超正😏雜菜炒粉絲（豚肉/牛肉/雞肉）$128韓式粉絲口感Q彈煙韌，低卡又好食👍 依個炒粉絲真係超足料，雞肉、洋蔥、紅蘿蔔、椰菜、冬菇同炒粉絲真係超夾!! 薯仔煎餅配豬頸肉 $188估唔到依個豬頸肉喺泰式風味，仲幾辣下🌶️ 配上脆卜卜嘅薯仔煎餅，送酒一流🍻食辣嘢梗係要嗌番杯冰涼嘅凍飲，除左mocktail仲有好多款cocktail俾客人揀，當然唔少得啤酒、威士忌、紅酒、香檳等等🫶Fruit Punch $65Ginger Al
半半煎餅(泡菜、韭菜）$148
韓式煎餅同辣炒年糕一樣，絕對係最地道嘅韓國小吃，泡菜煎餅、海鮮煎餅、韭菜煎餅，各式各樣!! 依個半半煎餅正可以滿足大家2個願望，一次過可以試曬泡菜、韭菜口味🤤 除咗有滿滿嘅海鮮超足料，仲十分香脆可口，粉漿做得好出色!!
粉紅醬炒年糕 $188
由韓式辣醬加上忌廉同芝士調製而成嘅粉紅醬，辣度降低，啱曬怕辣嘅人。融合奶香味更顯得香味醇厚，口感十分creamy😍 本身以為炒年糕係平時食開一塊塊果款，點知依個年糕係條狀，好似加粗嘅烏冬，仲十分煙韌，每條都掛到汁，配上煙肉同腸超正😏
雜菜炒粉絲（豚肉/牛肉/雞肉）$128
韓式粉絲口感Q彈煙韌，低卡又好食👍 依個炒粉絲真係超足料，雞肉、洋蔥、紅蘿蔔、椰菜、冬菇同炒粉絲真係超夾!!
薯仔煎餅配豬頸肉 $188
估唔到依個豬頸肉喺泰式風味，仲幾辣下🌶️ 配上脆卜卜嘅薯仔煎餅，送酒一流🍻
食辣嘢梗係要嗌番杯冰涼嘅凍飲，除左mocktail仲有好多款cocktail俾客人揀，當然唔少得啤酒、威士忌、紅酒、香檳等等🫶
Fruit Punch $65
Ginger Ale $43
Post
