Video
Read full review
2022-08-21
81 views
一直都好想試呢一間酒吧餐廳，佢嘅露天位置可以望到清真寺，都算係尖沙咀入邊嘅清泉可以遠離繁囂。6:30入座，已經有三份一入座率，走嘅時候更加吋長爆滿，可想言之人氣係有幾勁。自家研發cocktail ($150@): —-春秋: 職員同我哋講係參照左春秋時期，嗰陣嘅人好鍾意食啲唔同嘅香料，所以想飲嘅人可以感受一下當時嘅味道。用malibu再加竹葉青，檸檬汁，青瓜，同埋少少芫荽，飲到嘅係spice味。—-杜康: 米酒，加桃同荔枝，仲blend咗南北杏喺入邊，感覺都幾特別，每一啖都會食到一粒粒。想保守d嘅，當然menu都仲有好多其他酒同cocktail選擇。炸魷魚天婦羅配雞肝醬($128)：雞肝醬上配有細切葱段，令到雞肝醬唔會太寡，陪襯細多士絕對係一個好嘅前菜，炸天婦羅個人覺得調味可以再濃少少，配埋嘢飲就一流啦。貓耳朵意大利粉配茴香豬肉腸($188)：貓耳朵意粉係自家製嘅，做得煙靭，配上豬肉腸再加上少少芝士造成拉絲效果。反而茴香味唔算太濃，唔會蓋過主食，唔食嘅朋友都唔使驚太浸味。立磷燒馬頭魚配碗仔翅汁($268)：呢個等候時間耐少少，因為真係即叫即煮，而且油溫要夠先可以令到做到立磷效果。馬頭魚
自家研發cocktail ($150@):
—-春秋: 職員同我哋講係參照左春秋時期，嗰陣嘅人好鍾意食啲唔同嘅香料，所以想飲嘅人可以感受一下當時嘅味道。用malibu再加竹葉青，檸檬汁，青瓜，同埋少少芫荽，飲到嘅係spice味。
—-杜康: 米酒，加桃同荔枝，仲blend咗南北杏喺入邊，感覺都幾特別，每一啖都會食到一粒粒。
想保守d嘅，當然menu都仲有好多其他酒同cocktail選擇。
炸魷魚天婦羅配雞肝醬($128)：雞肝醬上配有細切葱段，令到雞肝醬唔會太寡，陪襯細多士絕對係一個好嘅前菜，炸天婦羅個人覺得調味可以再濃少少，配埋嘢飲就一流啦。
貓耳朵意大利粉配茴香豬肉腸($188)：貓耳朵意粉係自家製嘅，做得煙靭，配上豬肉腸再加上少少芝士造成拉絲效果。反而茴香味唔算太濃，唔會蓋過主食，唔食嘅朋友都唔使驚太浸味。
立磷燒馬頭魚配碗仔翅汁($268)：呢個等候時間耐少少，因為真係即叫即煮，而且油溫要夠先可以令到做到立磷效果。馬頭魚肉身唔會過老，而且加埋炸過嘅磷片咁食，好鬆脆。要一讚嘅係碗仔翅嘥咗好多心機，配料都係常見嘅，反而佢當分子料理咁樣將啲醋造成左一粒粒，所以每一啖都會有少少醋去中和返，唔會覺得太油膩。而且口感都幾新奇，同平時就咁加醋撈埋好唔同。
順帶一提，呢度啲職員個個都好玩得，而且健談，會主動介紹食物同埋同你吹吓水，幾chill幾開心🥳
總結：叫埋三五知己坐喺露天地方一路飲酒一路食住呢啲咁打卡able嘅嘢做個happy friday night都唔錯！
Post
