Library Restaurant and Bar

Open Now

Now Closed

依間最近大熱的餐廳，餐廳裏面是型格摩登裝修，而戶外座則打造成花園，露台邊圍滿花草植物，估唔到平時成日經過的清真寺，成為了餐廳的打卡位，好似去了一轉中東旅行。Lunch Set包沙律/湯、主菜、甜品/飲品。🍽️ 是日餐湯：椰菜花湯 打成泥的椰菜花再加入忌廉，口感幼滑Creamy，亦有椰菜花的鮮甜味，加上炸蒜和黑胡椒令味道更昇華，配搭的多士非常脆口。 🍽️ 三芝士忌廉汁配蝴蝶粉蝴蝶粉絕對有驚喜，用上三款唔同的芝士配搭忌廉汁，再淋上橄欖油並灑上黑胡椒和核桃粒，令依款冇肉嘅菜式味道唔單調。面頭的菲達芝士要和蝴蝶粉拌勻食用，完全唔滯，好食到一口接一口。🍽️ 香煎西冷配蕃茄莎莎牛扒煎到大約三成熟左右，外面煎得香口，裏面肉質粉嫩，唔會有血水，口感軟腍，牛扒無用好重調味料醃製，保留了原本牛肉的鮮味，再以蕃茄莎莎和火箭菜做配料，上面淋上黑醋，味道清新，唔會油膩。整體來說，餐廳食物質素幾高，價錢合理，又坐得幾舒服，性價比高。