aga Restaurant & Bar

Open Now

Now Closed

成日去厚福街食嘢，今次先發現呢棟商廈原來都有唔少餐廳，試咗呢間bar and restaurant，估唔到平日夜晚都幾full，室外座位都坐滿。點咗3樣嘢食，味道同質素都幾唔錯。⭐椒鹽蛋白茶樹菇呢款椒鹽食物第一次見，茶樹菇炸完都冇乾到硬哂，而且面頭沾咗嘅蛋白炸得好脆，椒鹽份量亦好夠，又唔會過鹹。⭐石斑魚柳海鹽墨魚麵石斑皮煎到少少脆，魚肉幾鮮甜，面頭放咗啲辣椒絲，辣辣地咁幾惹味。呢個墨魚麵其實係墨汁意大利麵，軟硬度適中，幾好味。⭐西班牙風乾火腿意大利巴馬臣芝士薄餅本身想叫辣肉腸pizza，可惜咁啱賣哂，不過呢個火腿都好正，食落唔會過份鹹。而個餅底整得非常煙韌，會想食完再食。餐廳仲有好多cocktail同酒，啱哂同朋友傾計食飯。