Video
Read full review
2023-08-21
9738 views
終於黎咗呢間bookmark咗好耐嘅新派泰菜兼酒吧。餐廳位於尖沙咀商廈頂層，可以望到好靚嘅維港景色，裝潢走度假風路線，非常有氣氛，岩哂收工之後約埋班friend黎chill吓。Deep Sea Tacos $138Taco脆片入面夾住嘅係滿滿嘅爽彈蝦肉、三文魚子同生菜絲，加埋個cocktail sauce，鮮味十足。Crab Bao Bao $128軟熟嘅刈包皮包住炸到脆卜卜嘅軟殼蟹同爽脆椰菜絲，特別在佢個辣辣哋嘅醬汁，非常惹味。Go Big Go KABOOM $278餐廳其中一道招牌菜烤春雞，用咗24小時醃製，雞肉入味而且烤得岩岩好，雞肉嫩滑juicy。原隻烤雞配埋其他烤蔬菜，非常豐富。Stone-grilled Grass-fed USDA Prime Ribeye Steak $358另外我哋仲叫咗石燒草飼肉眼牛扒，個人覺得medium rare就岩岩好，牛扒外面焦脆，肉中間仲帶粉紅色但唔會有好多血水流出黎。肉質超級腍嫩，肉味香濃之餘仲充滿肉汁。Damn Pissed Off! $128呢度嘅飲品造型都非常有特色，好似呢款以Vodka為基底加入熱情果糖漿、菠蘿汁同薑調配嘅coc
Deep Sea Tacos $138
Taco脆片入面夾住嘅係滿滿嘅爽彈蝦肉、三文魚子同生菜絲，加埋個cocktail sauce，鮮味十足。
Crab Bao Bao $128
軟熟嘅刈包皮包住炸到脆卜卜嘅軟殼蟹同爽脆椰菜絲，特別在佢個辣辣哋嘅醬汁，非常惹味。
Go Big Go KABOOM $278
餐廳其中一道招牌菜烤春雞，用咗24小時醃製，雞肉入味而且烤得岩岩好，雞肉嫩滑juicy。原隻烤雞配埋其他烤蔬菜，非常豐富。
Stone-grilled Grass-fed USDA Prime Ribeye Steak $358
另外我哋仲叫咗石燒草飼肉眼牛扒，個人覺得medium rare就岩岩好，牛扒外面焦脆，肉中間仲帶粉紅色但唔會有好多血水流出黎。肉質超級腍嫩，肉味香濃之餘仲充滿肉汁。
Damn Pissed Off! $128
呢度嘅飲品造型都非常有特色，好似呢款以Vodka為基底加入熱情果糖漿、菠蘿汁同薑調配嘅cocktail，竟然係用一個微型浴缸去裝住，面頭鋪滿玫瑰花瓣，加埋前排好Hit嘅膠鴨仔，玩味十足。
Hue $78
至於唔飲酒嘅朋友都可以叫佢地嘅mocktail，冇酒精之餘賣相一樣咁吸睛，好似呢杯Hue就用咗青檸汁、西柚汁同無花果調製，飲得非常清新。
。
。
KABOOM (尖沙咀)
尖沙咀北京道12A號太子集團中心20樓
。
。
Post
