彤私房菜高級粵菜 (Closed)

就咁睇餐牌都覺得呢度嘅老闆好用心思去思考菜式名👻 連餐牌都用心製作 食物質素又點會太差啊😎 果然不出我所料 呢度嘅菜式大多數都好有特色 而且味道出色🤩《話梅蕃茄》話梅蕃茄份量好多 本身以為會有一粒粒話梅喺上面🤣 但係點知係我諗多咗 呢碟小食只係有蕃茄 但係醬汁就係用話梅調製 所以酸酸地又鹹鹹地☺️ 話梅嘅鹽就可以令蕃茄嘅鮮味提升《酸菜薯仔》酸菜醬汁好似沙律醬咁稠杰 配上蒸熟左嘅薯仔🥔 味道好開胃 薯仔好軟身 作為開胃小食真係可以一舊接一舊咁食呀《水晶金玫瑰》賣相真係好似玫瑰咁靚 而且因為顏色偏黃所以好配合佢叫金玫瑰嘅名🤤 海蜇頭咬落口好爽 比普通嘅海蜇更加厚身《椒鹽台山蠔》每隻蠔都好大隻🦪 椒鹽好好送飯 同埋椒鹽蠔好熱 椒鹽嘅外皮好酥脆 真係一個好好嘅菜式😉《桂花炒米粉》炒米粉嘅份量好多 配菜亦都好多元化 蔬菜方面有洋蔥 芽菜 三色椒🫑 肉類方面有叉燒絲同埋蝦仁粒粒😋 呢個米粉嘅調味都好好食 再加上面頭有好多芝麻 令到米粉更加有口感 廚師嘅廚藝的確唔錯 呢碟炒米粉好有鑊氣 而且好均勻😌