La Postre (厚福街) (Closed)

平時都會去厚福街食野，H8既餐廳更係食過好多間。係下面開咗一間環境都幾靚既西餐La postre。午餐時段黎食，梗係要叫set lunch😎 跟餐有湯或沙律，仲有甜品。2個餐都揀咗湯，今日既餐湯係蘑菇忌廉湯，湯味道有少少咸，質感亦都比較稀身，普普通通。南瓜蟹鉗忌廉飯 ($128) 呢個飯之前經過見到都好想試🙈 忌廉飯係冧得黎亦不失口感，忌廉味唔會太漏，入面仲有一粒粒大南瓜，好鮮甜😆 蟹鉗都唔錯~黑松露西班牙黑毛豬扒 ($169) 估唔到呢碟豬扒係會有汁座住。黑松露味唔係好食得岀，但個汁味道都幾正。豬扒好鬆軟，咬落去好入味👍🏻個薯條都好好食😝飲品升級咗做仲夏水果茶 (+$15) 同Strawberry mojito (+$15) 兩杯水果味都重，幾fresh!最後上埋個甜品，蛋糕都不錯，值得一試。