來一燙冒菜麻辣燙 (Closed)

響公司附近開咗一間食冒菜餐廳，我本身係好鍾意食辣嘢所以就入去試吓！佢哋本身間舖好細所以坐得幾迫同埋要同其他人搭枱。佢哋嘅菜單就好似車仔麵咁樣分開四個唔同價錢， $10、$12、$15同埋$18嘅餸俾你揀，如果要麵食嘅話就要再加$28 ，不過可以選擇套餐就可以抵啲， $55可以任揀四款餸而其中可以揀一款$18嘅餸，於是我就揀咗魚片頭、水魷魚、鴨血加埋豬大腸紅薯粉，辣度揀咗中辣加小麻，而味道的確唔錯，鴨紅都幾滑同入味，不過份量就少啲！另外加埋罐忌廉就加$10 ，以尖沙咀來講幾個價錢都算合理。