Video
Read full review
2018-12-18
84 views
尖沙咀有一間出名食新式韓食嘅餐廳，每期都有新點子，前嗰排小妹同朋友一齊去食，為嘅係佢最新推出嘅韓式「素食」。講明係素食，當然係將傳統嘅韓食以素菜入饡。前菜叫咗一道「柚子蜜炸韓蔘」($78)，將韓國水蔘生炸，配上酸酸甜甜嘅柚子醬，酸甜中帶點人蔘微甘，味道幾得意！韓式海鮮煎餅同綠豆煎餅就食得多，但以Super Food羽衣甘藍整成韓式煎餅就真係未試過，呢個「羽衣甘藍煎餅」($88)鹹香味十足，羽衣甘藍煎完後嘅口感仍然爽脆，蛋餅亦唔會煎得過老。板燒芝士菜盤($98)係模仿韓燒嘅迷你版，材料全以蔬菜瓜果為主，不過個人認為啲料有啲少，得幾嚿唔夠喉。由於食物份量唔夠，小妹另外嗌咗個非素食「韓式燒牛肉拌飯」($98)，味道不過不失。飲品方面，「韓．仙人掌果酒」($158)嘅味道好特別，小妹我未食過仙人掌，唔知仙人掌係咩味，所以真係話唔到畀大家聽，呢杯酸酸甜甜嘅果酒係咪真係仙人掌味，不過店員喺杯邊鋪上爆炸糖，產生「爆炸」口感，加上乾冰製造仙氣意景，令小妹好驚喜。
講明係素食，當然係將傳統嘅韓食以素菜入饡。
前菜叫咗一道「柚子蜜炸韓蔘」($78)，將韓國水蔘生炸，配上酸酸甜甜嘅柚子醬，酸甜中帶點人蔘微甘，味道幾得意！
韓式海鮮煎餅同綠豆煎餅就食得多，但以Super Food羽衣甘藍整成韓式煎餅就真係未試過，呢個「羽衣甘藍煎餅」($88)鹹香味十足，羽衣甘藍煎完後嘅口感仍然爽脆，蛋餅亦唔會煎得過老。
板燒芝士菜盤($98)係模仿韓燒嘅迷你版，材料全以蔬菜瓜果為主，不過個人認為啲料有啲少，得幾嚿唔夠喉。
由於食物份量唔夠，小妹另外嗌咗個非素食「韓式燒牛肉拌飯」($98)，味道不過不失。
飲品方面，「韓．仙人掌果酒」($158)嘅味道好特別，小妹我未食過仙人掌，唔知仙人掌係咩味，所以真係話唔到畀大家聽，呢杯酸酸甜甜嘅果酒係咪真係仙人掌味，不過店員喺杯邊鋪上爆炸糖，產生「爆炸」口感，加上乾冰製造仙氣意景，令小妹好驚喜。
Post
