地點：尖沙咀柯士甸道
菜式：主打300卡路里低卡健康餐
餐牌：優質蛋白杯、主食有肉類同素食可選，配紅米飯/蕎麥麵/蒟蒻飯，包沙律同排毒爆脂茶。
排毒爆脂茶有熱有凍，今日太熱，我哋都揀左凍。凍排毒爆脂茶係罐裝，味道甜甜哋帶微酸，好解渴！
優質蛋白杯卡路里大概100卡，有成13種口味選擇，包括生果/朱古力/綠茶等，用罐裝。我哋叫左香橙同藍莓味。香橙係橙溝雲呢拿，橙味好香，呢款組合好特別。藍莓味甜甜哋，真係有好香藍莓味。加入咗好多健康奇亞籽，口感唔錯。飲完已經有野晾胃。
牛小排蒟蒻飯配沙律
我叫左素牛小排，有三塊，味道口感都幾似漢堡扒。下底係蒟蒻飯，我第一次食，味道口感都唔錯，一粒粒頗有咬口！沙律有西蘭花、生菜片、連皮南瓜、車厘茄，加上白芝麻粒，色彩豐富，味道唔寡，健康好味。
雞胸肉蕎麥麵配沙律
同行友人就叫左雞胸肉，加上胡麻醬調味，下底係蕎麥麵，友人食得津津有味。
食完都覺飽肚。今餐健康又好味，追求健康人仕可以一試。
餐廳景觀開揚。
而家仲有月餅賣，每個月餅只有幾十卡！
