新南苑私房菜 (Closed)

今日Farewell同事轉工升職，成班麻甩佬決定去揀間任食嘅打邊爐！由於我哋成10幾個人，餐廳都好好，預留咗間房俾我哋，唔怕我哋嘈住其他人 呢間餐廳食物質素唔錯，值得推介嘅係時令刺身拼盤，鮑魚非常爽口彈牙，食得出非常新鮮。帶子刺身，亦都非常甜美，大大粒，唔會有腥味 八爪魚刺身亦都不過不失，脆口海鮮拼盤就令大家喜出望外，新鮮生猛嘅龍蝦非常爽口彈牙，食得出絕對唔係雪藏貨，以呢個價錢來講CP值好高 龍蝦肉質肥美，咬落啖啖肉，非常推介俾大家 鯇魚片亦都爽脆，大家都讚不絕口其他火鍋任點配料就係普通質素，不過以呢個價錢嚟講，有刺身有雞煲有火鍋，性價比相當高