Video
Read full review
2022-05-13
3324 views
話說疫情期間試過幾次在屋企燒肉，之後洗餐死。受過教訓之後我就知道燒肉都系要出街食，特別現在可以晚市堂食，更加應該抓緊機會～話說尖沙咀嘅哩間驚安燒肉商店已經bookmarked咗好耐，午市仲有七折認真抵食，但係佢長期爆場，吾book位應該冇得食～因為今日早收工竟然有位，終於可以過嚟試下。餐廳內環境吾錯，座位各有千秋，想兩個人坐吧台又得，四五個人坐卡位又得，八個人坐圓台又得，而且座位同座位之間間隔得好，系疫情期間更有安全感。五目九宮格盛合($328)，相機食先嘅我首先就點咗哩個必須打卡嘅九宮格盛合，佢絕對系有顏值、有實力嘅系列，肉類整齊擺放在九宮格內，有厚切牛舌腩、A4和牛上蓋、A4後腰脊肉、手切Prime牛小排、A4和牛腩、壺漬牛肋肉、安格斯霜降牛、味噌五花腩、柚子雞肉。一次過可以試曬豬牛雞肉，好滿足！盛合中牛肉肉味濃郁，燒完後仲好juicy，而柚子雞肉又可以平衡下牛嘅油膩感，整個組合好match!和牛沙巴當壽喜燒($188)，A4和牛沙巴當系牛肩胛下部接近肋骨的部分，含有均勻的霜降油花。哩個懶人必點，因為店員會在席前幫你用火槍將牛燒到5成熟左右。秘製壽喜燒汁有濃郁嘅黑鬆露味，再將生雞蛋
話說尖沙咀嘅哩間驚安燒肉商店已經bookmarked咗好耐，午市仲有七折認真抵食，但係佢長期爆場，吾book位應該冇得食～因為今日早收工竟然有位，終於可以過嚟試下。餐廳內環境吾錯，座位各有千秋，想兩個人坐吧台又得，四五個人坐卡位又得，八個人坐圓台又得，而且座位同座位之間間隔得好，系疫情期間更有安全感。
五目九宮格盛合($328)，相機食先嘅我首先就點咗哩個必須打卡嘅九宮格盛合，佢絕對系有顏值、有實力嘅系列，肉類整齊擺放在九宮格內，有厚切牛舌腩、A4和牛上蓋、A4後腰脊肉、手切Prime牛小排、A4和牛腩、壺漬牛肋肉、安格斯霜降牛、味噌五花腩、柚子雞肉。一次過可以試曬豬牛雞肉，好滿足！盛合中牛肉肉味濃郁，燒完後仲好juicy，而柚子雞肉又可以平衡下牛嘅油膩感，整個組合好match!
和牛沙巴當壽喜燒($188)，A4和牛沙巴當系牛肩胛下部接近肋骨的部分，含有均勻的霜降油花。哩個懶人必點，因為店員會在席前幫你用火槍將牛燒到5成熟左右。秘製壽喜燒汁有濃郁嘅黑鬆露味，再將生雞蛋攪勻加入，食之前將牛肉沾上醬汁，再配一口珍珠米飯，牛嘅嫩滑配上飯嘅軟糯，非常正！
厚燒栗子豬五花(5片)($68)，一開始對哩碟冇咩期待，但原來佢好好味喎！肥肉部分燒熟後外皮焦香，內裡充滿肉汁，又有少少似豬油渣嘅香脆，好特別！
壺漬牛肋肉($88)，牛肋肉醃好後存放在壺內，令牛肉更入味。
Sapporo生啤($48買一送一)，本來冇諗住飲，但係買一送一真係好吸引，而且燒肉要配凍飲先過癮盡興！
埋單時店員提及原來仲有筲箕灣分店，餐牌系一樣嘅，大家去之前可以睇下邊間分店近你D～
Post
