雅廊咖啡室 (Under Renovation)

有舊同事生日飯聚 去咗尖沙咀富豪酒店雅廊咖啡室食自助餐，因為有信用卡6折優惠。六點半鐘開始至九點半。裏面D嘢食都好多，熱食好豐富，而且冷盤有龍蝦，凍蝦，長腳蟹，螺，青口，麵包蟹，等等都有。 刺身有三文魚，吞拿魚，八爪魚，北寄貝，同埋甜蝦。 食到半路，佢哋會推出 火槍燒芝士龍蝦，不過要快啲，因為每次推20隻左右出嚟，好似兩轉或三轉，排隊派曬就冇。而且到後期有一輪會響鐘，原來係火焰蛋，但只得一輪。甜品有好多不同款嘅蛋糕，雪糕亦有唔同選擇畀大家揀。 總之琳瑯滿目，最後要提一提西班牙海鮮飯，真係好正。大家有機會去一定要試。