一方堂居酒屋

Open Now

Now Closed

尖沙咀厚福街不嬲出名多野食，不論韓式、台式、港式、西式等任君選擇，今次食嘅係日式. 在這飲食平台見到有好多個好評，睇相見賣相同環境不錯，於是決定今晚食佢😋. 這食肆位於藍馬商業大廈9樓，樓下已經有大大個嘅廣告板介紹，所以好易搵到.環境裝修得很日本居酒屋感覺，天花板掛了不少日式和紙傘，頗有心思. 牆上有黑板寫住廚師推介的食物，店員也有簡單推介. 食物方面叫咗燒汁提燈$42、雪場蟹雜炊$238、上壽司十貫$268、鹽燒羊架$68、令和之怪物（生蠔🦪）$98/隻及甜品蘋果雪葩$58. 第一次聽同食燒汁提燈，好奇心下上網搜尋是什麼來，原來係老母雞的輸卵管與未生成蛋殼的蛋黃部分，不是每隻老母雞都有，仲要考師傅技巧裁切出來，真係唔簡單，所以香港唔係好多地方有得食. 味道方面燒到色澤均勻，醬汁平均分佈，雞蛋外皮有咬口，內𥚃蛋黃金黃，雞肉雞味濃郁. 蟹雜炊蟹味鮮甜，粥底夠綿，蟹肉大大舊，冬日必食. 壽司十貫魚生厚薄適中，壽司飯係醋飯，味道同飯的鬆散度調得剛好. 羊架大大舊，啖啖肉，雖然係鹽燒但唔會好鹹，羊架柄有錫紙，方便客人食用，夠細心. 至於生蠔🦪真係大隻，賣相吸引，食落口肉質好豐富，滑身鮮味. 甜