Video
Read full review
2025-08-01
0 views
人生有限杯就係其中一間我最愛嘅串燒舖，十蚊一串串燒真係勁難得，我最愛嘅荔枝豚肉卷都只不過係十五蚊一串。雖然今次都三訪，但係第一次嚟尖沙咀分店，印象最深刻都一定係九肚魚同埋墨魚滑。‣ 椒鹽紫菜味泰式辣醬九肚魚 $68‼️超級推薦‼️我超鍾意食九肚魚，見到嗰陣毫無猶豫嗌咗。九肚魚炸得極度香脆，魚肉嫩滑到不行，而且仲有椒鹽同泰式辣醬嘅微辣提味。由於佢本身都炸得太好食，我都冇特別點過泰式辣醬。‣ 墨魚滑紫菜大蝦 $68‼️超級推薦‼️驟眼睇好似韓國紫菜飯卷咁，但係入邊包住嘅就係墨魚滑同埋蝦，紫菜都炸到脆卜卜，再配埋個醬汁真係好食到爆炸。如果唔係想試多啲其他嘢，呢個絕對係我加單嘅首選。‣ 味噌松板豬 $15可以食到味噌嘅鹹香同微甜，嫌唔夠味嘅話仲有蛋黃醬，燒得幾香口。‣ 豚肉荔枝卷 $15唔使講一定係我心目中嘅No. 1，超級香甜嘅荔枝配上豚肉，將豚肉嘅香昇華，連豬油都變得可口。‣ 紫菜鵪鶉蛋卷 $20紫菜卷住鵪鶉蛋，燒得香脆得嚟有蛋嘅嫩滑。雖然未至於做到流心，但係鍾意鵪鶉蛋嘅話可以一試。‣ 免治雞肉棒 $28由我第一次食雞肉棒開始，我幾乎每次都會點，抗拒唔到蛋液醬油，而且雞肉棒入面仲有啲軟
‣ 椒鹽紫菜味泰式辣醬九肚魚 $68
‼️超級推薦‼️我超鍾意食九肚魚，見到嗰陣毫無猶豫嗌咗。九肚魚炸得極度香脆，魚肉嫩滑到不行，而且仲有椒鹽同泰式辣醬嘅微辣提味。由於佢本身都炸得太好食，我都冇特別點過泰式辣醬。
‣ 墨魚滑紫菜大蝦 $68
‼️超級推薦‼️驟眼睇好似韓國紫菜飯卷咁，但係入邊包住嘅就係墨魚滑同埋蝦，紫菜都炸到脆卜卜，再配埋個醬汁真係好食到爆炸。如果唔係想試多啲其他嘢，呢個絕對係我加單嘅首選。
‣ 味噌松板豬 $15
可以食到味噌嘅鹹香同微甜，嫌唔夠味嘅話仲有蛋黃醬，燒得幾香口。
‣ 豚肉荔枝卷 $15
唔使講一定係我心目中嘅No. 1，超級香甜嘅荔枝配上豚肉，將豚肉嘅香昇華，連豬油都變得可口。
‣ 紫菜鵪鶉蛋卷 $20
紫菜卷住鵪鶉蛋，燒得香脆得嚟有蛋嘅嫩滑。雖然未至於做到流心，但係鍾意鵪鶉蛋嘅話可以一試。
‣ 免治雞肉棒 $28
由我第一次食雞肉棒開始，我幾乎每次都會點，抗拒唔到蛋液醬油，而且雞肉棒入面仲有啲軟骨，啖啖肉之餘仲有啲咬口。
‣ 豚肉牛油果卷 $28
比想像中好食，同埋帶到驚喜，牛油果嘅綿密同豚肉嘅香氣完美融合，咬落去滑溜得嚟又有肉味，牛油果入口即化嗰下真係心心眼。
‣ 鹽燒牛舌芯 $28
牛舌同之前食就差唔多，都係有彈性同埋咬口，我幾鍾意佢嘅厚薄程度，唔會覺得好難咬。
‣ 蒜蓉菜脯燒茄子 $38
茄子燒得好正，吸收晒蒜蓉嘅香味，而且菜脯都落得好爽手，咬到酸酸辣辣嘅菜脯，勁開胃。而茄子肉都相當軟腍，我覺得燒茄子真係我懶健康必嗌嘅菜式。
‣ 流心蛋薯仔沙律 $68
每次食完有少少念念不忘，所以基本上每次都會同朋友講一定要食。流心蛋嘅蛋液再撈埋薯仔真係好正，而且我好鍾意佢薯蓉滑順得嚟，偶爾會咬到一粒粒嘅口感。
‣ 明太子忌廉烏冬 $58
佢烏冬嘅麵底揀得好好，相當之煙靭同Q彈，忌廉比我想像中濃郁，特別係嗰浸奶味，不過加埋明太子同埋雞蛋，就算食好多都唔會覺得特別膩，真係不得不讚明太子嘅微辛令烏冬更加有風味。
‣ 港式蜜糖多士夾雪糕 $48
天氣太熱，所以雪糕都比較快溶。但係多士依然燒得香脆，勁鍾意佢嘅焦糖面，再夾埋雲呢嗱雪糕真係好正。
‣ 檸檬荔枝whisky $38
啤酒而家都仲係做緊買一送一，之前再嚟食就嗌咗梳打，今次我同朋友就揀咗飲微醺之選。荔枝味相當濃郁，亦都好香甜，酒味唔算好勁，真係做到微醺。
‣ 青檸菠蘿gin $38
就好似飲菠蘿啤咁樣，只不過今次唔係啤酒，係gin酒。酸酸甜甜解膩一流，相當之易入口。
Post
