喜聚燒 (Closed)

今日約咗朋友喺尖沙咀食飯。 有人諗住食串燒。有人又想食雞煲。竟然有幸遇到既有雞煲。又有串燒的高質餐廳。 一次過滿足晒大家兩個願望。 🥰喜聚麻辣滋補烏雞 （半隻）好少聽過雞煲用烏雞，估唔到呢度竟然試到！雞肉口感豐富，麻辣醬汁香辣麻三樣齊晒！辣到啱啱好唔會蓋過咗雞肉本身嘅味道👍🏻值得推介🫶🏻麻辣四姊妹啱晒啲食素人士👍🏻入邊有齊蓮藕、洋蔥、萵筍、雲耳、准山，加埋雞煲獨有秘方麻辣汁，令人欲罷不能燒珍寶大扇貝蒜蓉清蒸大扇貝就食得多最夜魅都係上面嘅粉絲呢度用咗燒嘅方法，有一點焦香🔥粉絲吸收左本身醬汁嘅味道，加上粉絲絕不手軟😆鋪滿咗扇貝的表面，絕對大件夾抵食！黑松露鵝肝多士多士非常香脆，唔會話一早整定林晒😙鵝肝同黑松露完美融合👍🏻入口先係鵝肝嘅油香味，再有黑松露嘅味道滲返出嚟。 兩件絕對唔夠喉！芝士焗意大利大蘑菇大蘑菇濕潤多汁，芝士鋪滿大啡菇表面，滋味無比🥰海鹽燒美國安格斯肉眼串牛肉燒得啱啱好，唔會話過熟😌簡單調味已經可以帶出牛肉本身嘅肉味👍🏻今餐食得好滿足‼️聽老細講而家只要經OpenRice訂座。就可以半價享用麻辣雞鍋。 仲有八五折。尖沙咀而家要搵到咁嘅價錢高質串燒店真係比較困難，值得推介！