鉄人大盛 (Closed)

要食質素高嘅鐵板燒, 一啲都唔平, 但呢間主打鐵板燒嘅放題, 每位只係$328, 無理由試啦！食物種類主要有刺身、壽司、鐵板燒、炸物 、冷盤小食等。坐低先上一盤特選刺身, 款款都潤澤新鮮, 其中螺片、赤貝最為爽口鮮甜。多款鐵板美食之中, 法式鵝肝配多士係我的最愛, 鵝肝裹上一層炸漿, 煎成金黃色, 中心軟滑香醇, 絕對值得 encore！鐵板羊架非常有份量, 肉厚多汁, 羊騷味唔強。鰻魚肉質柔軟, 而且極為肥美, 加上亮麗濃稠嘅蒲燒醬, 惹味非常。牛油燒帆立貝燒得剛好, 唔會韌。仲有成櫃haagen dazs任食！！值回票價啦。