Awesome Bar & Cafe

Open Now

Now Closed

今次嚟咗尖東一間新餐廳，門口好多bearbrick模型，場面震撼。如果你係fans，一定要嚟朝聖一下。餐廳好寬敞，坐得好舒服。先叫咗杯cocktail Silent Third，調酒師好貼心，擔心會太strong，專登過嚟confirm。Silent Third外表唔係太突出，但係帶有淡淡嘅橙香味。先叫咗個前菜三文魚他他伴魚子脆筒杯做小食，造型好得意，好多三文魚，啖啖肉，上面仲鋪咗少少魚子豐富口感。我哋揀咗甲羅燒蟹肉意粉同芝士焗蔬菜釀烤南瓜圈做主菜。甲羅燒蟹肉意粉有蟹肉、蟹膏同蛋，撈埋一齊食超好味，蟹味突出，意粉又夠creamy。芝士焗蔬菜釀烤南瓜圈，有好多種蔬菜釀係一個大個南瓜圈入面，有野菌、黃瓜、蘿蔔、西蘭花、松子，既健康又帶出唔同口感，芝士味道好濃沃。主食加50蚊就可以多一個餐湯同一個cocktail，好抵食。今日餐湯係磨菇湯，質地厚實好creamy又好香。最後甜品叫咗 Apple Crumble ，清清地唔會太膩，仲有雲呢拿雪糕。餐廳除咗bearbrick仲有好多其他模型，其中最有親切感嘅就係漢堡神偷，簡直係童年回憶！