日悅極尚日式放題 (Closed)

香港人鍾意食放題，所以放題店成行成市。但大多數食肆都面對租金高企呢個問題，總會將檯拍得緊密一啲，放多張檯可以多數一單生意，結果大家都習慣逼夾下用餐。但今次朋友帶我黎呢間日·悅極尚日式放題，就打破呢個想法，原來食放題都可以好輕鬆舒服。黎到尖東麼地道，離遠已經見到呢個巨型廣告牌，大大隻字「超大型酒店式放題」，絕對可以吸引你嘅視線。呢度晚市放題價錢分為星期一至四$278，如果18:00前跟21:00後入座都只是$258，星期六日每位加$20。另外，放題時間足足有2小時30分鐘，食完仲有時間傾計，又唔會比人趕，抵讚。話明係酒店級放題，地方當然非常寬敞，呢度嘅地方大到可以間一個空間比兒童作遊戲之用。對於需要帶小朋友去食飯嘅家長，呢個服務認真吸引!，因為家長們可以安安樂樂食一餐飯了。除左地方夠大，放題最緊要就係多選擇，有刺身、炸物、燒物、一品料理、壽司等等除左order紙，仲可以出去自助攞沙律、水果、日式凍豆腐、海蝦、東風螺之類。食放題第一樣叫嘅多數都係刺身，人多就可以叫多啲，大大碟咁上檯，霸氣十足。飲品區選擇都好多，除了汽水、維他奶、檸檬茶之外，仲有韓國忌廉溝鮮奶、果汁先生等等一定有款啱你飲。炸