餐廳內座位都幾多，仲有獨立房間可以一大班人聚會。
🌟沃川刺身拼盤(上）$498
-款款刺身都係好厚切幾鮮甜，特別鍾意吞拿魚有口感得來幾鮮甜、仲有金倉魚厚厚地幾肥美新鮮，八爪魚鮮甜有嚼勁、三文魚都鮮甜。仲有牡丹蝦大大隻得來彈口，真係幾有水準。
個人覺得呢到嘅串燒真係做得幾出色，可以話必食！
🍢 雞腳筋串$28
- 係一塊烤得好香嘅薄薄地、脆香雞皮包住2塊軟骨，軟骨軟硬度適中，食落去都幾滋味，正！
🍢露筍豚肉卷串$32
- 豬肉薄薄地烤到好香口，配埋新鮮露筍，味道幾好。
🐚粒貝茶壺燒$198
- 原隻海螺咁上菜，入面係一粒粒好鮮甜粒貝，份量都幾多，啖啖滋味。
- 食過後就將入面熱湯倒出黎飲，真係精華所在，非常鮮甜。天氣凍凍地飲好暖胃舒服 ☺️☺️☺️
🌟野菜天婦羅$128
- 天婦羅做得唔錯，外層炸得薄薄地好脆香，入面野菜新鮮，水準幾好。特別鍾意南瓜，薄薄地一層脆皮加上甜甜南瓜肉，味道不錯。
🐙炸墨魚餅$128
- 墨魚餅厚厚地，食落去彈口滿足。
🍜 沃川黑醬油拉麵$108
- 醬油湯底醬油味濃得來唔會好鹹，可以話係越食越好食。拉麵texture都好好，估唔到呢到食拉麵都好有水準！
見到當晚有一班人係房內傾計食野勁盡興，有機會都要約下朋友來！
