滿小館 (Closed)

呢晚朋友相約到一間佢平日放飯食點心嘅中菜，店面空間闊落，屬新派中菜館乾淨企理融入古色古香之中，先開個靚茶慢慢諗下食咩先。menu食物選擇款式滿多，茶芥每位$14，係尖東飲茶嘅基本，有誠意用茶座加熱保溫，由頭到尾嘆住熱茶。揀揀下近平日7點幾全店已經滿座。火焰古法燒腩叉$168⭐️⭐️⭐️⭐️ 打卡必點上檯香氣飄逸，底盤火焰將桂花蜜汁精華散發，.📸相機拍片食左先就一定，味道係唔錯的，不過厚肉腩叉來講有少少咬口，如果廚房將叉燒再切薄點會更理想，或用較肥嘅叉燒就唔會食落稍為乾身了。🍤鳳尾蝦多士 $78/4件1⭐️⭐️⭐️⭐️⭐️必點!出奇地好食, 有驚喜嘅招牌菜!多士上灑滿芝麻香脆炸烤，蝦肉無論調味同口感上都完勝😋唔駛沾上沙律醬食都香口滋味。🧈八味金磚(小) $78⭐️⭐️⭐️⭐️高質水平酒樓級經典小食，外脆內軟脆炸得金黃鬆脆，椒鹽再加上七味粉點綴，惹味得黎入面豆腐嫩滑滿意。🍓冰鎮甜酸豬爽肉 $198⭐️⭐️⭐️⭐️⭐️打卡必點每枱必點打卡招牌菜，上檯仙氣十足，乾冰煙霧效果令賣相更吸睛，睇落好似冰糖葫蘆，冰火二重奏眼球尤其滿足，影相打卡係常識。冰鎮糖漿豬爽肉即係平時食開嘅咕嚕肉，用黑豚肉做材料外脆內彈牙，肥瘦適中。襯托配料有菠蘿