尚苑中菜廳

Open Now

Now Closed

FD黎香港旅行，話想體驗正宗港式茶樓，睇到哩間好近酒店，咁試試。茶樓以藍色為主，裝修得唔錯。晚市生意好full，一半隔咗出來，比咗包場，裡面仲可以唱歌跳舞，好得意。深海大元貝（蒜蓉粉絲蒸），元貝超大一只，配上超多蒜蓉同粉絲一齊蒸。師傅火候掌握得啱啱好，元貝肉質厚實彈牙，一啖咬落去，鮮甜嘅汁水即刻湧出來。蒜蓉香味濃郁，但唔會蓋過元貝嘅鮮味。粉絲嗦曬元貝同蒜蓉嘅精華，食落超惹味。北京烤填鴨，搭配咗面皮，青瓜，大蔥同甜麵醬。鴨皮烤得金黃酥脆，鴨肉嫩滑多汁香而不膩。蘸上甜麵醬，再加啲青瓜同蔥絲，用薄餅包住食，層次感十足。師傅片鴨手法嫺熟，每塊都片得一樣大細，保證咗口感。頭抽幹炒牛河，牛河炒得鑊氣十足，一上枱就聞到陣陣香氣。河粉炒得夠幹身，食落去爽滑有嚼勁。牛肉嫩滑多汁，啖啖肉香，加上豆芽同蔥段，同牛河好夾，食完真系想encore多碟。