滿小館 (Closed)

母親節就到 最近搵到呢間新開嘅中菜館同媽咪提早慶祝！喺正尖東站出口行1分鐘就到入邊環境好大座位好闊落店員服務好好 食物選擇好多 而且經濟實惠首先推介冰鎮咕嚕肉！平時唔係好鍾意食咕嚕肉因為出面好多都好肥 呢個咕嚕肉有驚喜！佢唔會有成層肥肉咬落去好有肉質！佢外脆 外凍內熱 冰火交融嘅口感好特別而且配有士多啤梨菠蘿等生果 整體感覺清新之後推介係啲個湯飯！入邊勁足料 粒粒小元貝 鮮蝦 冬菇等而且個湯好鮮甜入口好有驚喜之後推介金沙鮮魷 一份有勁多件外脆而且鹹香惹味又唔會太油 鮮魷彈牙嫩滑之後係中西合璧嘅牛肋骨成條原骨上枱 啖啖肉之餘肉質軟林林 好入味最後係呢個手臂咁長嘅越南虎蝦試左兩款口味 一個係黃金蝦入邊仲釀咗芝士好有驚喜 另一個係豉油王！個人比較鍾意後者 勁惹味 特別係個蝦頭！最後食埋木瓜雪耳南北杏糖水 媽咪表示好滿意呢餐母親節飯！下次再返嚟食下lunch試吓佢哋點心如何!