尚苑京滬川菜 (Renamed) View

之前有試過依間野既飲茶，都OK，所以就諗住再試埋佢既晚市。同左兩個同事放工落去叫左個套餐，依個套餐係每位計既，連埋茶位，前菜等等，折扣左之後每位800蚊度。共有7道菜揀左D比較出色同大家分享：前菜 (開胃三小碟)推介花鵰醉雞，雞好嫩滑又夠酒味，其他地方試過同類菜式，酒味處理得唔好好易有苦味，依道小菜既酒味幾恰到好處。湯羹海皇酸辣湯，幾足料，有海參又有花膠同蝦，酸度啱啱好，如果可再辣D就一流。主菜黃金明蝦球，蝦勁大隻，彈牙又有好強勁蛋黃味，口感唔錯。甜品 (尚苑美點薈萃)一共有三款，有桂花榚、高力豆沙同馬仔，三層甜品架上，賣相幾靚，推介桂花榚，清甜好味，桂花味天然。整體食物都幾高質，會返轉頭，聽講黎緊會有大閘蟹套餐，期待!食完之後同經理傾左幾句，原來隔離有個場有得跳社交舞，過去望過下都幾有氣氛。有興趣既大家可以去見識下。