食物方面都有好多選擇，串燒嘅肉類有燒羊肉、燒豬腩肉、燒牛肉、燒雞軟骨等，而海鮮有扇貝、鮑魚、生蠔、秋刀魚等，基本上諗到嘅都有。🤤另外仲有錫紙類嘅花蛤粉絲、香辣鴨血粉絲、麻辣小龍蝦等。紙仔可以剔埋想要咩辣度，要唔要芝麻，都幾貼心！風味比較似大陸嗰啲串燒，食嘅就係麻、辣、蒜蓉同孜然粉嘅味道！🤣🤣🤣哈哈哈～
🐥酸辣無骨鳳爪 $38
鳳爪都幾爽口，唔會好辣，少少酸，幾開胃！
👅極上燒牛舌 $32
牛舌厚薄適中，幾腍，牛味濃郁！
🐷炭燒豬頸肉 $22
豬頸肉肥瘦均勻，燒得夠香夠惹味，唔會好硬，好香口！
🐔炭燒雞肉串 $20
雞肉燒得香口，但仲保持嫩滑，調味不錯！
🌽牛油燒粟米 $20
粟米唔會燒得好乾，香甜仲有汁。
🦪蒜蓉燒生蠔 $65/3隻
滿滿嘅蒜蓉下，生蠔燒得啱啱好，唔會乾晒水，肥美新鮮。
🥬蒜蓉娃娃菜 $42
蒜蓉同娃娃菜係絕配，完全吸收晒蒜蓉嘅味道，又唔油膩，好惹味！
