瑪寶鮮

Open Now

Now Closed

同朋友約左去尖沙咀飲茶，佢介紹左我地去上樓飲茶，原來就係我之前食日式放題「相撲手」的樓上。上到樓，好似私房菜格局，而且人唔算太多，唔似一般茶樓咁鬼嘈，食得舒服及自在。原來食午市仲每桌送碟椒鹽茄子 ，炸得酥脆而好香口，椒鹽味唔會過咸，味道剛剛好～瑤柱蘿蔔糕好搞笑，好少見成個碗蒸，有d似砵仔糕～😁賽螃鮮蝦餃睇落有d似粉果，由外皮睇就知有好多料。食落口就知皮薄餡靚，而且入面有好彈牙滑溜的蛋白，加埋爽口原隻蝦的鮮味，味道真係好似食賽螃蟹咁，超推介！瑪寶鮮蝦餃皇雖然都有大大隻蝦，而且爽口彈牙、蝦味十足！但食完咁正的賽螃鮮蝦餃，就覺得佢爭咁d~蟹籽燒賣皇味道不錯，用料都實在，但賣相差左少少～😂蜜汁叉燒皇外皮蜜味十足而且一d唔會油膩，當中肥肉的部分更加係好脆，都幾得意，好少食叉燒會有咁脆～ 生啫蝦乾芥蘭煲香味十足，但芥蘭葉有少少苦，扣左少少分。 勁Like呢個私房醬三鮮炒蝦球，好少餐廳會用三色椒炒蝦球，三色椒炒得相當爽脆，而且仲保持蔬菜的鮮甜。仲有炸左的蕃薯同茄子都幾好味！艇家海皇撈飯個湯汁睇落好清淡，但鮮味好重，加上有爽脆的蔬菜、蝦粒配上炒飯真係好好味！