Video
Read full review
2018-10-09
13479 views
放題食過無限咁多次，但係好似炉端金咁有咁多酒飲嘅就真係未試過；呢度除咗平時啲放題都有嘅sake同埋啤酒之外，仲有紅白酒rose等等，另外仲呢一部全港首部嘅自動生啤機，令食客可以體驗一下唔嫌早所講嘅完美啤酒比例；酒類精彩之餘亦都有一個泡茶嘅corner，為唔好酒嘅朋友提供多一個選擇。坐低咗之後每一枱都會自動嚟一盆刺身同埋龍蝦先，龍蝦蘊藏大量嘅蝦膏，清甜彈牙；刺身併盆除咗平時出面食到嘅三文魚，赤身，油甘魚，甜蝦，帆立貝同帶子之外，仲有比較少放題有得食嘅松葉蟹腳同埋鰹魚，鰹魚刺身我都係第一次食，口感紮實，帶住濃香嘅鰹魚味道。黑松露鵝肝多士，上枱即刻聞到勁豐富嘅香煎鵝肝味，廚師巧妙地將黑松露放喺熱辣辣嘅鵝肝之上，黑松露味喺鵝肝嘅熱力帶動之下慢慢滲出，黑松露味同埋鵝肝味充分融和，令人極度滿足。天婦羅揀選咗海老，南瓜同埋舞茸菇，海老天婦羅個子不小，瓊得好乾身，炸漿薄薄一浸，脆得嚟唔會太油；舞茸菇係一種高蛋白低脂肪嘅珍貴菇類，帶有自然嘅木香，香氣特別濃郁。串燒牛舌，牛舌燒得外皮香脆，只係喺面頭灑少少鹽同埋黑椒調味經已相當好食；羊架比起外邊啲放題除咗肉質比較嫩滑之外，更加多咗一份羊嘅騷香，鍾意食羊嘅朋
放題食過無限咁多次，但係好似炉端金咁有咁多酒飲嘅就真係未試過；呢度除咗平時啲放題都有嘅sake同埋啤酒之外，仲有紅白酒rose等等，另外仲呢一部全港首部嘅自動生啤機，令食客可以體驗一下唔嫌早所講嘅完美啤酒比例；酒類精彩之餘亦都有一個泡茶嘅corner，為唔好酒嘅朋友提供多一個選擇。
坐低咗之後每一枱都會自動嚟一盆刺身同埋龍蝦先，龍蝦蘊藏大量嘅蝦膏，清甜彈牙；刺身併盆除咗平時出面食到嘅三文魚，赤身，油甘魚，甜蝦，帆立貝同帶子之外，仲有比較少放題有得食嘅松葉蟹腳同埋鰹魚，鰹魚刺身我都係第一次食，口感紮實，帶住濃香嘅鰹魚味道。
黑松露鵝肝多士，上枱即刻聞到勁豐富嘅香煎鵝肝味，廚師巧妙地將黑松露放喺熱辣辣嘅鵝肝之上，黑松露味喺鵝肝嘅熱力帶動之下慢慢滲出，黑松露味同埋鵝肝味充分融和，令人極度滿足。
天婦羅揀選咗海老，南瓜同埋舞茸菇，海老天婦羅個子不小，瓊得好乾身，炸漿薄薄一浸，脆得嚟唔會太油；舞茸菇係一種高蛋白低脂肪嘅珍貴菇類，帶有自然嘅木香，香氣特別濃郁。
串燒牛舌，牛舌燒得外皮香脆，只係喺面頭灑少少鹽同埋黑椒調味經已相當好食；羊架比起外邊啲放題除咗肉質比較嫩滑之外，更加多咗一份羊嘅騷香，鍾意食羊嘅朋友，絕對不容錯過。
揚物揀選咗骨付雞肉腸，芝士年糕同埋比較特別嘅唐楊秋葵蝦，將新鮮嘅蝦肉打到起膠，再釀入呢一隻咁可愛嘅秋葵bb入面， 猛火炸起，特別得嚟又好味，上枱嘅時候都仲係熱辣辣㗎。
特別鍾意佢啲壽司一次過大曬冷，唔會好似其他放題咁一兩嚿又上一碟，到喉唔到肺之餘，一大盆個視覺效果，又係另一番體驗。
最後嚟到甜品同埋雪糕嘅環節，雪糕選擇有齊兩大最強嘅雪糕品牌，除咗有 movenpick之外仲有haagen Dazs，另外啲cake嘅水準都唔錯，直逼酒店級，食到我地捧住個肚離開。
Post
