Video
Read full review
2017-07-04
1168 views
朋友喺尖沙咀返工，話平日食午餐果間餐廳，夜晚個雞煲火鍋好抵食，約埋我地一齊去試下，有平野食，我又點會錯過呢！呢間食力.點心雞煲火鍋店位於尖沙咀彌敦道呢個人多車多嘅地段，隔離左右都係藥房、金鋪等，你完全估計唔到呢個位置會有間食肆，如果唔係朋友約左，可能行過都睇唔到。牆上掛左懷舊點心牌，好多都想食呀呢個就係朋友所講，平日嘅抵食午餐啦。$30有兩餸飯，喺尖沙咀區同而家個物價計，真係相當便宜。我地今晚嘅套餐，有點心，又有雞煲及火鍋放題，3樣野加埋都係$168咋，仲要汽水啤酒免費任飲。如果9:30入座仲只係$138添。呢張紙上嘅全部都任叫任食架先黎個雞煲先，我地叫左小辣，辣味非常醒胃，雞件又啖啖肉，非常惹味。然後送上點心，好開心有蝦餃呀，好耐無食過蝦餃了，蝦肉爽滑，仲有菜苗餃，佢個皮晶瑩剔透，相當煙韌。任食火鍋又點少得任飲汽水啤酒，成個櫃多個款式任揀。火鍋料到了，陣容非常鼎盛，安格斯肥牛，肉色非常紅潤，脂肪與肉比例平均，唔會太肥。丸類全部都係新鮮手打嘅，絕對唔係果啲雪左成個星期，刀劈都唔開果種，用心制作，值得一讚仲有個蔬菜籃，白菜仔、油墨菜、菠菜、金菇、冬菇、粟米等等，菜同肉類都咁多，咁就食得健
呢間食力.點心雞煲火鍋店位於尖沙咀彌敦道呢個人多車多嘅地段，隔離左右都係藥房、金鋪等，你完全估計唔到呢個位置會有間食肆，如果唔係朋友約左，可能行過都睇唔到。
牆上掛左懷舊點心牌，好多都想食呀
呢個就係朋友所講，平日嘅抵食午餐啦。$30有兩餸飯，喺尖沙咀區同而家個物價計，真係相當便宜。
我地今晚嘅套餐，有點心，又有雞煲及火鍋放題，3樣野加埋都係$168咋，仲要汽水啤酒免費任飲。如果9:30入座仲只係$138添。
呢張紙上嘅全部都任叫任食架
先黎個雞煲先，我地叫左小辣，辣味非常醒胃，雞件又啖啖肉，非常惹味。
然後送上點心，好開心有蝦餃呀，好耐無食過蝦餃了，蝦肉爽滑，仲有菜苗餃，佢個皮晶瑩剔透，相當煙韌。
任食火鍋又點少得任飲汽水啤酒，成個櫃多個款式任揀。
火鍋料到了，陣容非常鼎盛，安格斯肥牛，肉色非常紅潤，脂肪與肉比例平均，唔會太肥。丸類全部都係新鮮手打嘅，絕對唔係果啲雪左成個星期，刀劈都唔開果種，用心制作，值得一讚
仲有個蔬菜籃，白菜仔、油墨菜、菠菜、金菇、冬菇、粟米等等，菜同肉類都咁多，咁就食得健康啦。
鮮蝦淥到變色即可，蝦殼易拆，食落鮮甜，點一點豉油更加可口。可能呢度係尖沙咀區，我地隔離幾檯客都係外國人，有啲唔係好識用筷子，有啲又唔係好識啲火鍋料淥幾耐，
見佢地不斷要搵職員幫忙，而呢度嘅職員都非常有禮，除左教佢地用筷子外，有個男職員更用心慢慢教佢地點淥熟啲野食。
態度親切友善，好似朋友咁。香港嘅旅遊及服務業就係需要呢種好客之道，見到果幾檯客都相當滿意佢嘅招待。
有時食野除左味道之外，服務都好緊要架，有啲餐廳味道出眾，但有左名氣之後，
服務態度變得差了，食客就要受氣。而呢度嘅服務真係值得一讚。
Post
