魚一丁刺身居酒屋 (Closed)

距離對上一次去魚一丁都好似有成一年，前日約個朋友去這裡傾d永遠解決唔到既野，順手食埋個午餐。怕等位的我，去呢度當然要早d，十二點三去到即刻有位。我叫左個三色拼檔定食，所謂三色，包括鰻魚飯、魚牡丹蝦刺身及炸蝦天婦羅飯。以分量計，都算幾足，足夠頂一個下晝。魚刺身頗為新鮮，牡丹蝦尤其鮮甜。但天婦羅有一件是青椒黎的，不太討好，反而幾喜歡個炸蝦，內裡蝦肉仍然幾彈牙脆口。另外想一題的是那個牛前菜，牛弄得出色，有咬口，朋友都讚好。食完再繼續坐一會，又再傾下果d沒有答案的問題。